Pune – Aurangabad Expressway : पुणे ते छत्रपती संभाजीनगर एक्सप्रेस वेला मंजुरी, लवकरच तातडीने कार्यवाही सुरू….
Pune – Aurangabad Expressway : पुणे ते छत्रपती संभाजीनगर या नवीन एक्सप्रेस वे म्हणजेच द्रुतगती मार्गाची 22 महिन्यांपूर्वी घोषणा झालेली होती. या महामार्गाला मंजुरी दिलेली असून बीओटीवर हा मार्ग बांधण्याचे निश्चित झाल्याचे केंद्रीय दळणवळण मंत्री नितीन गडकरी यांनी सोमवारी सांगितले.
उद्योजक विवेक देशपांडे यांच्या कुटुंबीयांची भेट घेण्यासाठी मा. मंत्री गडकरी हे शहरांमध्ये आले होते यावेळी माजी आमदार श्रीकांत जोशी, शहराध्यक्ष शिरीष बोराळकर, प्रदेश सरचिटणीस संजय केनेकर आदी उपस्थित होते. माननीय मंत्री नितीन गडकरी म्हणाले की महाराष्ट्र पायाभूत सुविधा महामंडळाकडे हा रस्ता हस्तांतरित करुन, 3000 कोटींचे कर्ज हे हुडको मधून उपलब्ध होणार आहे.
Pune – Aurangabad Expressway
दोन दिवसात निर्णयाची प्रत मुंबई तसेच क्षेत्रीय कार्यालयाकडे पाठवण्यात येणार आहेत. या महामार्गाच्या मंजुरीमध्ये विलंब होत असल्याचे वृत्त भरपूर वृत्तपत्रकांमध्ये प्रकाशित झालेले होते. छत्रपती संभाजीनगर तालुक्यातील 7, तर पैठण तालुक्यातील 17 गावांमधून हा मार्ग जाणार आहे.
Pune – Aurangabad Expressway ची update मोबाईल वर मिळवण्यासाठी
येथे क्लिक करा
भारतमाला टप्पा दोन ग्रीन फील्डमध्ये हा मार्ग तयार होत आहे.
डॉ. कराड यांची भेट:
केंद्रीय अर्थ राज्यमंत्री डॉ. भागवत कराड यांनी या मार्गाकरिता गेल्या आठवड्यामध्ये गडकरी यांची भेट घेऊन त्यांना निर्णय घेण्याची मागणी केलेली होती. डॉ. कराड यांच्याशी संपर्क केला असता ते म्हणाले हा मार्ग बांधण्यास गडकरी यांची भेट घेतली गेलेली होती. आणि लवकरात लवकरच या मार्गाबद्दल तातडीने कार्यवाही सुरू करण्यात येईल.
नागपूर ते पुणे हे अंतर साडेचार तासांमध्ये:
छत्रपती संभाजीनगर ते पुणे हे सुमारे 225 किलोमीटर अंतर हे दोन ते सव्वा दोन तासात पूर्ण करता येईल अशी ग्वाही मंत्री गडकरी यांनी दिलेली आहे. हा नवीन महामार्ग असेल त्यासाठी अलाइनमेंट झालेले आहे, छत्रपती संभाजीनगर ते शिरूर पर्यंत चार टोलनाके असतील. टोलच्या उत्पन्नातून छत्रपती संभाजी नगर ते अहमदनगर आणि पुणे हा रस्ता चांगला करण्यात येणार आहे. नागपूर ते जालना समृद्धी महामार्ग व पुढे छत्रपती संभाजीनगर ते पुणे या नवीन महामार्गावरून साडेचार तासात प्रवास करणे शक्य होणार आहे.
